પેરેલલ યુનિવર્સ ભાગ ૨

 વાંચો પેરેલલ યુનિવર્સ ભાગ 1

પેરેલલ યુનિવર્સ ભાગ 1

         

                                     1. પેરેલલ યુનિવર્સ :2

 

          હિયા ને વિશ્વાસ બેસી ગયો કે પોતે , બીજી દુનિયાથી અહી આવી પહોચી છે, પણ હજુય એનાં મન માં સવાલ હતો કે , કેવી રીતે ? એનાં જીવન માં બધુ જ તો નોર્મલ ચાલતું હતુ , એ એની જીંદગી , એનાં દોસ્તો , અને એની દુનિયા.

        " જે કાંઇ થયુ , એનું મૂળ ક્યાંક તો છુપાયેલું હશે જ , મારે એને શોધી કાઢવું જોઇ એ" હિયા ને મનમાં ઘણીયે વાર આ વિચાર આવતો હતો , એ બુક વાંચ્યાં પછી એ ઘરે આવી.

          ઘરે આવીને ચેનથી સુઈ ગઇ..

        

    16 જાન્યુઆરી 2017 , એટ્લે કે   બીજા દિવસે સવારે  એ હિના નાં પપ્પાને મળી , બન્ને બ્રેડ બટર ખાઇ રહ્યાં હતાં , બટર નું છેલ્લું પેકેટ તોડીને લઇને હિયા ડાઇનિંગ ટેબલ પર આવી.

"ઍક વાત પૂછવી હતી" હિયા એ બ્રેડ પર બટર લગાવતા કીધું.

"એમા પૂછવાનું શુ હોય ?  પૂછી નાખ"  પપ્પાએ કીધું.

" ડેડ , તમે આ મોબાઇલ નંબર ક્યારથી વાપરો છો?" હિયા એ પુછ્યું.

"ડેડ નહીં , પપ્પા કહો , મને ડેડ સાંભળવાની આદત નથી "

"હા , પપ્પા ! બસ " હિયા એ હીના ની જેમ કહ્યુ.

"આશરે સાતેક વર્ષ થી મારા જોડે આજ ફોન અને આ જ સિમ  છે"

"જ્યારે હુ એકલી ટ્રેન માં બેસીને તમારી જોડે દિલ્લી આવી ગઇ હતી , ત્યારે તમને ખરેખર ખબર નહતી કે હુ આવવાની છું કે પછી ઢોંગ કરતાં હતાં ?"

"શુ ? તુ ટ્રેન મા આવી હતી ? તારું ઠેકાણે તો છે ? " પપ્પા એ જરાક વધારે જ રીએક્ટ કરી દીધું.

"કેમ ? શુ થયુ?"

"તારી ટીકીટ બુક કરાવનાર અંકલને મે જ કહ્યુ હતુ , અને તુ ટ્રેનમાં નહીં , પ્લેન માં આવી હતી હિના " હીના નાં પપ્પા એ હિયાને કીધું.

"સોરી , હુ જ ભૂલી ગઇ કે હુ પ્લેન માં આવી હતી" હિયા એ તરત જ કબૂલી લીધુ.

            નાસ્તો પતાવીને તરત જ એ પોતાના રૂમમાં ગઇ , એનાં સુવાના પલંગ ની ચાદર વગેરે નો રંગ બદલાઇ ચુકેલો હતો , જ્યારે એ ગઇકાલે આવીને ઊંઘી , ત્યારે ચાદર ગુલાબી , ઓશિકા સફેદ , પડદો ભૂરો અને સોફા લીલા હતાં , અને અત્યારે ચાદર શ્વેત , ઓશિકા ભૂરા , પડદો ગુલાબી અને સોફા કથ્થાઈ રંગ ના હતાં.

             હિયા ને સમજાઈ ગયું કે , એ પાછી બીજી દુનિયામાં આવી ચૂકી છે , એને થયુ કે હોઇ શકે કે એ પોતાની જ દુનિયામાં પાછી આવી ચૂકી હોય. એને આનંદ થયો , ખુશી ના મારે એ જૂમવા લાગી , આનંદ નો છોર રહ્યો નહીં , પોતે પોતાની દુનિયા મા પાછી આવી ગઈ હતી. એને પોતાના અસલી ઘર ના અસલી સોફા નો અસલી કથ્થાઈ રંગ , અસલી ઓશિકાનો અસલી ભૂરો રંગ જોઈને ઝુમી ઉઠી. એ બે ઘડી એનાં જીવન ની સૌથી યાદગાર ક્ષણ બની રહી , એની પાસે એવો આનંદ હતો કે જેની વિશે એ કોઈ ને કહી પણ શકતી નહતી , જો એ લોકોને જણાવે તો લોકો એને જ પાગલ માની બેસે.

               પણ એની એ ખુશી ઝાઝી ટકી નહીં , એની બધી ખુશી ભાંગી ઉઠી જ્યારે અવાજ આવ્યો કે ,

"હીના બેટા , કૉલેજ ની બસ આવી છે"

"ઓકે ડેડ "

"ડેડ નહીં , પપ્પા " પપ્પા નો અવાજ આવ્યો.

              અવાજ સાંભળતા જ હિયાને ખ્યાલ આવ્યો કે , એનાં પપ્પા ને ડેડ કેહડાવવામાં કાંઇ જ વાંધો નહતો , ઉલટાનું હિયા એમને પપ્પા કહે એ એમને પસંદ નહતું.

"ઇટ્સ નોટ માય વર્લ્ડ " મનમાં જ હિયા એ વિચાર્યું.

           બસમાં બેસી ને જતા જતા એને કડીઓ જોડવાનું શરુ કર્યું. અત્યાર સુધીની બધી ઘટનાઓ પહેલેથી વિચારી જોઇ .

        બધુ જ નોર્મલ ચાલતું હતુ , પોતે ટ્રેન માં આવી , અને દિલ્લી આવતા જ બધુ બદલાઇ ગયું , કૉલેજ ગઇ , બુક વાંચી , ઘરે આવી ,અને સવારે બધુ બદલાઇ ગયું , બન્ને માં ઍક સરખું ઍક જ વસ્તુ બની , કે પોતે બીજી દુનિયામાં આવી ગઇ બન્ને વખતે . પેહલી વખત માં પોતાની દુનિયાથી બીજી દુનિયા માં , અને બીજી વખતે બીજી દુનિયા માંથી ત્રીજી જ દુનિયા માં.

           હિયા વિચારતી જ હતી , ત્યાં એની સામે એને એનાં ક્લાસનાં છોકરાં , ડેવિડ ને ઊંઘતો જોયો .

"કમાલ છે , અહિ મારી આખી દુનિયા બદલાઇ ગઈ છે , અને આ ઊંઘે છે , ભગવાન કરે અને આની પણ દુનિયા પરિવર્તન થઈ જાય" હિયા એ મનમાં જ વિચાર્યું.

             બે મિનીટ થઈ , હજુ ડેવિડ સૂતો જ હતો , હિયા ને એની સામે જોઇ ને જ ઈર્ષ્યા આવવા લાગી.

             કૉલેજ આવવા  આવી , ડેવિડ નાં નસકોરાં જ બોલતાં હતાં , હિયા એ જઇને ડેવિડ ને જગાડ્યો ,

         ઉઠતા ની વેંત જ ડેવિડ બબડવા લાગ્યો,

"હુ ક્યા છું , તમે કયાથી ......?" અને હિયા સામે તાકી રહ્યો. હિયા પણ એટલાજ આશ્ચર્ય થી એને તાકી રહી.

"સોરી , હિના , હુ ઉંઘ માં જ હતો " આંખ સાફ કરીને ડેવિડ બોલ્યો.

"ઇટ્સ ઓકે "  હિયા એ કેહવા ખાતર કહ્યુ.

"એવું રીએક્ટ કરે છે કે જાણે ઉંઘ માંથી ઉઠતા જ એની દુનિયા બદલાઇ ગઇ હોય , નખરા કરે છે "હિયા નાં મનમાં આવુ ચાલી રહ્યુ હતુ , ત્યાં જ હિયા ને લાઈટ થઈ .

              હિયા ની સાથે બનેલા બન્ને પેરેલલ યુનિવર્સ નાં કિસ્સા માં ઍક જ વસ્તુ કોમન હતી , અને એ હતી ઉંઘ . ટ્રેન માં આવતાં પેહલા એનાં પપ્પાનો એ જ નંબર હતો કે જે હિયા નાં ફોન માં હતો , ટ્રેન માં એ સુઈ ગઇ , અને ઉતરી ત્યારે એ હિના ની દુનિયા માં પહોચી ચૂકેલી , બીજી વખતે પણ રાત્રે એ સુઈ ગઇ , અને સવારે દુનિયા બદલાઇ ગઇ. બન્ને કિસ્સા માં સામાન્ય માધ્યમ હતુ  ,ઉંઘ  . પોતે સુઈ જતી ત્યારે જ એની દુનિયા માંથી બીજી અને બીજી થી ત્રીજી દુનિયા માં આવી ગઈ હતી.

               એ ઉતરી અને કૉલેજ પહોચી ,

"હિયા ...."  હિયા ને ક્યાંક થી અવાજ સંભળાયો .

હિયા ને નવાઈ લાગી , આ દુનિયા માં બધાં એને હિના જ કહેતાં હતાં .

"કોણ?" હિયા એ ધીમા અવાજે કહ્યુ.

"કેવિન ફ્રોમ યોર......." અને અવાજ આવતો બન્ધ થઈ ગયો.

"કેવિન ફ્રોમ વોટ ?" હિયા એ ઉચ્ચાર કર્યો.

      પણ અવાજ આવતો બન્ધ થઈ ચુક્યો હતો. હિયા ને નવાઈ લાગી , એને આ નામ 'કેવિન ' પેહલી જ સાંભળ્યું હતુ , આ અવાજ પણ એને પ પેહલી જ વાર સાંભળ્યો હતો.

            કૉલેજ પતાવીને એ ઘરે પહોચી , પપ્પા ઓફીસ નાં કામે થી બહાર જ હતાં. આવીને પોતાની પાસે હંમેશા રેહતી ચાવીથી ઘરનું લોક ખોલ્યું , સોફા પર બેગ મુકી, અને ફ્રેશ થવા સીડીઓ ચઢીને પોતાના રૂમ તરફ ગઈ ,

            રૂમ નો દરવાજો અંદર થી બંધ હતો,

"કમાલ છે , મે તો એને બહાર થી બંધ કર્યો હતો , એ અંદર થી બંધ કોણે કર્યો " મનમાં જ બબડી. એ સોફા પર જ જઇને સુઈ ગઇ .

               થાક દુર કરવામાં ને કરવામાં ક્યા એની આંખ લાગી ગઈ એનું પણ એને ભાન ના રહ્યુ. જ્યારે જાગી તો જોયું તો , અડધી રાત થઈ ચૂકી હતી , એને યાદ આવ્યુ કે એને સાંજ નું જમવાનું હજી બાકી છે .

              ચાલતી ચાલતી ફ્રીઝ જોડે ગઇ , ફ્રીઝ માં બટર નું ઍક પેકેટ પડયું હતુ . એ તોડ્યું અને બ્રેડ પર લગાવીને ખાધું . પેટ માં થોડી ઠંડક કરી અને એને યાદ આવ્યુ ,

"અરે , આ બટર તો ક્યારનું પડયું હતુ ......" એને ફરી લાઈટ થઈ , બટર તો સવાર માં જ પોતે અને પપ્પા એ  બધુ પતાવી દીધું હતુ .

             દોડીને એને બટર નું પેપર ઉપાડ્યું ડસ્ટબિન માંથી . એ એજ પેકેટ હતુ કે જે એમને સવારે ખાધું હતુ , હિયા એ એની પર પેન વડે 'માય બટર ' લખેલું હતુ. એને ડિજિટલ ઘડિયાળ માં તારીખ જોઇ.

                         01:25:30 

                16 જાન્યુઆરી 2017

              ઘડિયાળ માં ગઈકાલ ની જ તારીખ બતાવતા હતાં . 16 જાન્યૂઆરી . આવુ કઇ રીતે બની શકે?

 

(ક્રમશઃ)

             

વાંચો  પેરેલલ યુનીવર્સ ભાગ ૩ ક્લિક કરીને. પેરેલલ યુનીવર્સ ભાગ ૩