આદર્શ ગામ: નવી વાસણી

નવી વાસણી ગામના કુદરતી સૌંદર્યનો એક નજારો.


નવી વાસણી, એટલે અરવલ્લી જિલ્લામાં વસેલું પ્રખ્યાત દીપેશ્વરી ધામ (ઉંટરડા) ને અડીને રહેલું, ત્રણેય બાજુએ માઝૂમની પવિત્ર નદીથી ઘેરાયેલું એક નાનકડું ગામ. હા, નાનકડું ગામ, જેમાં આશરે સો થી દોઢસો ઘર  હશે. ઉપરાંત ગામમાં પ્રાથમિક અને માધ્યમિક શાળા, સહકારી ડેરી, જીવન જરૂરિયાતની પ્રાથમિક સુવિધાઓ માટેની ચાર પાંચ નાની દુકાનો, પાકા રસ્તા અને ગામના ચોકમાં પવિત્ર રામજી મંદિર તથા શોભા વધારતું દીપેશ્વરીમાતાનું મંદિર.
ગામનાં ચોકમાં આવેલી સહકારી ડેરીનું દ્રશ્ય


ગામની પ્રાથમિક શાળાનું એક જુનું દ્રશ્ય

ગામની મોટા ભાગની વસ્તી ભણેલા ગણેલા પટેલોની. એમાં પણ લગભગ નેવું ટકા વસ્તી 36 ગામ લેઉઆ પાટીદારની. ગામના લગભગ તમામ લોકોનો મુખ્ય વ્યવસાય ખેતી, પશુપાલન અને નાના મોટા ખેતીના લગતા વ્યવસાય.



મોટા ભાગના ગામના લોકો સામાજિક અને આર્થિક દ્રષ્ટિએ સમૃદ્ધ અને દૂર સુધી પહોંચીને પણ મૂળને અડકીને રહેનારા સરળ લોકો. સામાજિક કાર્યક્રમોના અગ્ર રહેતા પ્રતિનિધિઓ અને એમની ટીમોની પ્રવૃત્તિઓ તથા અન્ય દ્વારા સામાજિક જાગૃતિના કાર્યક્રમો હોય કે મંદિરની દેખ રેખ રાખવાની કમિટીનાં પગલાં, દરેક કામ કાજ પોતાની ફરજ સમજીને ગામના મોભીઓ અને યુવાનો દ્વારા કરવામાં આવે.આ ઉપરાંત ઈમાનદારીથી પોતાની ફરજ બજાવતા એવા ગામનાં હાઈ કલાસ સરકારી અધિકારીઓ ગામનું નામ વધુ ઉંચાઈ સર કરાવી રાખે.


ગામમાં દરેક પ્રસંગ હળીમળીને ઉજવવામાં આવે, દરેક તહેવારનાં ઉજવણીનું આયોજન ગામના યુવાઓ દ્વારા ઉત્સાહ ભેર કરવામાં આવે ભલે પછી એ નવરાત્રીનાં ગરબા હોય કે દિવાળીનો ઉત્સવ, હોળી હોય કે ઉતરાયણ બધું સમાન ભાવે મનાવવામાં આવે. ગામના યુવાઓની હેપ્પી ક્લબની મોજ હોય કે ગામની ક્રિકેટ ટીમ, ગામનાં યુવાનો દરેક પ્રવૃત્તિમાં આગળ જોવા મળે. ગામમાં શૈક્ષણિક પ્રવૃતિઓથી લઈને ગામનાં યુવાનોનું સારી યુનિવર્સીટી અને સારા અભ્યાસક્રમોમાં પ્રવેશ દરેક બાબતે ગામનું નામ અગ્રેસર રહે. સ્પર્ધાત્મક પરીક્ષાઓ પાસ કરીને સરકારી નોકરી મેળવવાની હોય કે ખેતીના કામકાજમાં હાથ મેળવવાનો હોય, ગામના યુવાનો ક્યાંય પાછા નાં પડે.

ગામનાં હેપ્પી ક્લબના મેમ્બેર્સ 

ખેલ કુદ કરતા બાળકો 

નોકરી વ્યવસાય અર્થે બહાર ગયેલા ગામના લોકો પણ ઉમળકાભેર ગામની પ્રવૃતિઓ અને તહેવારોમાં ભાગ લે. નોકરી ધંધા અર્થે ગામના લોકો અમદાવાદથી માંડીને દેશ વિદેશ સુધી ફેલાયેલા. બહાર વસેલા ગામનાં લોકો પણ સહપરિવાર ગામની મુલાકાત લેતા રહે અને સુખ દુઃખમાં ગામની સાથે રહે.
આ ઉપરાંત નવી વાસણી એટલે કુદરતે બક્ષીક્ષ આપેલું રળિયામણું ગામ. ત્રણ બાજુ નદીનું પરિસર. નદી કાંઠાનું મનોહર દ્રશ્ય, ચેકડેમમાં નાહવા જવાની મજા, લીલાછમ ખેતરોમાં પવન સાથે મલકાતો મબલક પાક વાસણી ગામમાં બધું મળી રહે.


ઉનાળે કાચી કેરીના આંબે ચડવાની મજા, બોરડીના મીઠા ખાટા બોર અને ગોરસ આંબલીના ચટાકા તો શિયાળે તાપણી કરીને બેસવાની રાજવી ટેવ. ચોમાસામાં ખેતરની માટીની ભીની મહેક તો બીજી બાજુ ખળખળ વહેતુ માઝૂમનું પાણી.
માઝૂમ નદીના કાંઠે આવેલો ચેકડેમ 


ગામમાં આજુ બાજુ નદી વિસ્તાર હોવાથી ગામનું ભૂજળ સમૃદ્ધ અને ગામ આખું ખેતીવાડી સંપન્ન. ગામમાં ઘણા સમૃદ્ધ અને ટેકનોલોજીથી ખેતી કરનારા ખેડૂતો. બટાકા ઉત્પાદન ક્ષેત્રનું એક અગ્રણી એવું ગામ એટલે વાસણી.
લીલીછમ હરિયાળી ઝરતા ખેતરો 


નાના, મોટા, વડીલો, વૃદ્ધો અને યુવાઓ થી હમેશા જીવંત અને કુદરતનો એહસાસ કરાવતું એવું ગામ એટલે મારું ગામ. નવી વાસણી. પશુ પંખીઓ નાં કલરવથી જેની દરેક સાંજ ગુંજે એનું નામ નવી વાસણી. આરતીનાં પવિત્ર સાદ સાંભળી નમસ્કાર કરવાનું મન કરવાનું સૌભાગ્ય મળે, એનું નામ નવી વાસણી. આખી નવરાત્રી ભલે ગમે ત્યાં કરો, પણ આઠમનું નિવેદ્ય ખાવા તો જવું જ પડે, એ નવી વાસણી અને ગામના લોકો ભલે ગમે ત્યાં રહે, ગમેં એટલું કમાય પણ અંતિમ સમયે જેની માટીમાં વિસરાય, એ પોતાનું ગામ....નવી વાસણી.


લેખન અને પબ્ધલીકેશન : ધવલ એ. પટેલ


ગામડાનાં જીવનની મજા માણતા યુવાનો 
ખેતરમાં બાળપણ 

ગામની એક સાંજ 
ફોટો સૌજન્ય : પાર્થ કે પટેલ.
મદદ અને સપોર્ટ : હેમાંગ એ પટેલ અને અંકિત એચ પટેલ.

વાંચો એક મજાની લવ સ્ટોરી જે વાંચીને તમે જ નક્કી કરો કે આ સ્ટોરી લવ સ્ટોરી છે કે અરેન્જ મેરિજની સ્ટોરી.

ટિપ્પણીઓ

ટિપ્પણી પોસ્ટ કરો

Thank you for your Valuable Time

આ બ્લૉગ પરની લોકપ્રિય પોસ્ટ્સ

લેઉવા પાટીદાર લીગનું ઉદઘાટન

છબી
 **લેઉવા પાટીદાર લીગનું ઉદઘાટન: **  ગુજરાતના ગ્રામીણ વિસ્તારોમાં ક્રિકેટનું ખાસ આગવું મહત્વ છે. તે ગામડાંના સામાજિક માળખા સાથે અજોડ રીતે ગૂંથાયેલું છે, રમત ની ભાવના યુવાનો અને પુખ્ત વયના લોકોને એકસરખી રીતે એકમેક થી જોડે છે. તાજેતરમાં, લેઉવા પાટીદાર લીગના ઉદ્ઘાટન સમારોહમાં સમુદાયના બંધન અને રમતગમતની શ્રેષ્ઠતાને પ્રોત્સાહન આપવાના હેતુથી ક્રિકેટ મેચોની શ્રેણીની શરૂઆત થઈ. ગુરુવાર, 18 એપ્રિલ, 2024 ના રોજ ઓલ્ડ સમર્પણ ક્રિકેટ ગ્રાઉન્ડ ખાતે આયોજિત આ ઇવેન્ટમાં વિવિધ પ્રકારની પ્રવૃત્તિઓ જોવા મળી હતી.  આયોજકો તરફ થી લીગને લીલી ઝંડી નો સંકેત આપતા ભવ્ય ઉદ્ઘાટન દ્વારા સમારોહ શરૂ થયો હતો. જેમ જેમ ઉપસ્થિત લોકો એકત્ર થયા તેમ, ઔપચારિક કેક કાપવાથી પ્રસંગને એક મધુર સ્પર્શ મળ્યો. આવનારી મેચો માટે આશીર્વાદના પ્રતીક તરીકે, સહભાગીઓને પ્રસાદનું વિતરણ કરવામાં આવ્યું હતું.  સ્પોન્સરશિપ આવી ઇવેન્ટ્સમાં નિર્ણાયક ભૂમિકા ભજવે છે, અને પ્રાયોજકોને તેમના સમર્થન અને યોગદાનના સારને કેપ્ચર કરીને ફોટો સેશન સાથે યોગ્ય રીતે સ્વીકારવામાં આવ્યા હતા. ઉદઘાટન મેચ માટે ખેલાડીઓ, આયોજકો અને દર્શકો તૈયાર થતાં વાતા...
વધુ વાંચો

પેરેલેલ યુનિવર્સ ભાગ ૩

છબી
વાંચો પેરેલલ યુનિવર્સ ભાગ 1   પેરેલલ યુનિવર્સ ભાગ 1 વાંચો પેરેલલ યુનિવર્સ ભાગ ૨  પેરેલલ યુનિવર્સ ભાગ ૨ પેરેલલ યુનિવર્સ ભાગ 3           ૧૬ જાન્યુઆરી,૨૦૧૭.રાતનાં ૧: ૨૫:૩૦ નો સમય.હિયા સમજી ગઇ કે પોતે ઘરે આવીને સુઈ ગઇ,અને જેવી એ જાગી ત્યારે એ બીજા જ યુનિવર્સમાં પહોંચી ચૂકી છે. “તો યુનિવર્સ યુનિવર્સ વચ્ચે તારીખો પણ બદલાય છે, ત્યાં ગઇકાલે ૧૬ તારીખ હતી અને અહિયાં આજે ૧૬ તારીખ છે.કમાલ છે….”હિયા મનમાં જ વિચારતી જતી હતી ત્યાં ઉપર પોતાનાં રૂમથી દરવાજાનું હેન્ડલ ખુલવાનો અવાજ આવ્યો. હિયા પોતાનાં રૂમ તરફ દોડી.એણે લાગ્યું કે નક્કી કાંઇક અજુગતું થયું હશે.ઉપર જઇને જોયું તો રૂમનું હેન્ડલ ખુલ્લું પણ રૂમનું બારણું બંધ હતું. “મને સો ટકા યાદ છે કે મે આ બારણું બંધ કર્યું  અને હુ ઊંઘી પણ નથી નીચે આવીને, કે મારી દુનિયા કે આ યુનિવર્સ ફરીથી બદલાઇ જાય.”મનમાં હિયા બબડી. હિયા દરવાજાની બહાર જ ઊભી હતી.વાતાવરણમાં જાણે તોફાન પહેલાની નીરવ શાંતિ હતી.પરંતું આ યુનિવર્સને ક્યાં ભાન  કે, એ એક અનંત મૈત્રીનું સાક્ષી બનવા જઇ રહ્યું . હિયા હજુય દરવાજાની બહાર જ ઊભી હ...
વધુ વાંચો